Aɛiwed n tsuqilt akked tesleḍt tasnalsant n yiḍrisen n uyfus aɣurbiz n ulmud alemmas

الموضوعات

علوم اللغة

الملخص

Tasekla tamaziɣt d tasekla i d-yeddan s timawit. S umata, tiwsatin-is wwḍent-d s wallal n timawit, ttwaḥerzent s ccfawat. Maca tura tbeddel fell-as teswiɛt; ur telli ara kan d timawit, tezger-d neɣ tsurf-d amecwar ɣezzifen ɣer tira. Tira tbeddel aṭas deg wuḍem-is: tettnerni si tallit ɣer tayeḍ, si tsuta ɣer tayeḍ. Tekker-d tsuta i irefren asalu n tira, tewwi-d aṭas n tewsatin timaynutin ur tesɛi ara tsekla-agi mi tella d timawit. S tira i ttaɣen yigduden amkan-nsen deg umezruy. Imaziɣen zgan deg umezruy maca mačči s tira-nsen, s tmuɣli n wiyaḍ, s tin n yirbiben i yuɣen tamurt. Tasekla tamaziɣt s umata tɛedda-d ɣef waṭas n yimecwaren iwakken ad taweḍ ɣer uswir n tira d usnulfu. Imi seg wasmi i d-yecfa umezruy n talsa, tamaziɣt (tutlayt-tasekla) tettidir ddaw n uzaglu n yimnekcam i yezrin di tmurt. Win i d-yusan ad yewwet amek ara yeskcem iman-is, ad yessears taɣerma-s d yidles-is deg tmurt-agi. Ayen akk iten-yesdukklen d timneɣiwt n tutlayt d yidles n tmurt. Kra n yimyura d yimnuda usan-d akken ad d-suksen ayen i d-yeggran di tsekla tamaziɣt seg tuccar n tatut; jemɛen-d kra n wayen yellan d timawit, rrant ɣer tira. Imi lukan ad d-jemɛen akk tasekla tamaziɣt timawit, ad ččaren aṭas n yidlisen akken i d-yenna Ahmed Zayed ɣef wawal n Ibn Khaldun: « win ara d-yezdin akk tasekla i d-ttawin imaziɣen ad ččaren idlisen, Maca anwa izemren ad tent-yaru d tirni? ». Gar wigi yuran tasekla-agi timawit d Said Boulifa i d-yemmden ammud n yisefra deg 1904. Tasuqilt d abrid iɣef yezga wawal taggara-agi. Nulfent-d kra n yimyura i d-yenǧren abrid n tsuqilt seg teskliwin tiberraniyin, ladɣa ayen yettwarun s tutlayt tafrensist, maca tasuqilt mačči dayen isehlen. Asuqel seg tutlayt ɣer tayeḍ yessefk tussna n yidelsan akked tussna n snat n tutlayin (tutlayt tanicant d tutlayt taɣbalut) deg wayen yerzan taseddast akked tjerrumt, imi tuddsa-nsent mxallafent seg tutlayt ɣer tayeḍ. Tutlayt tamaziɣt tesɛedda aṭas n yiɣilifen i d-sersen yimnekcamen d udabu ɣef umgareḍ-is; ur tessiweḍ ara ad tili d tutlayt tamazdayt, d tutlayt tamsegnut. Tamaziɣt d tutlayt yebḍan ɣef waṭas n tentaliyin: Tacawit, Tacenwit, Tamẓabit, Taqbaylit... yal tantala tebḍa d timeslayin, mkul tameslayt temgarad ɣef tayeḍ am wakken i d-yenna S. Chaker: Tutlayt tamaziɣt tebḍa ɣef waṭas n tentaliyin d tmeslayin i d-yusan deg yiwen n wannar meqqren yerna ta tebɛed ɣef tayeḍ. Deg tugnatin am tigi asuqel mačči dayen isehlen. Anemmegrud yettaf-d iman-is sdat n tilawin ur nesɛi tigdazalin d tilewt deg tutlayt tamaziɣt. Ɣef wannect-a, anemmegrud iɛerreḍ ad d-yesnulfu ama s usekcem n wawalen neɣ lebni n tefyar n tutlayt niḍen neɣ s usnulfu n wawalen imaynuten. Mačči am tutlayin niḍen. Tamukrist: Ihi, d acu-tent tsekkiwin d tulmisin n yal aḍris?

روابط وملفات

التعريف والنوع

رقم الوثيقة

eef59d5e-fdb2-449f-8194-6cf4d1f972f8

رقم العقد

0

نوع الوسائط

Crawler

نوع المحتوى

الرسائل العلمية

صيغة المصدر

ماستر (LMD)

نوع الملف

pdf text

أسماء الملفات

1036645_1.pdf

بيانات النشر

ألقاب المؤلفين

[{"name_ar":"Hamida Ouacher ","title_ar":"اعداد","title_en":"Preparation"},{"name_ar":"Kaci Sadi","title_ar":"اشراف","title_en":"Supervision"},{"name_ar":"Siham Maghni","title_ar":"اعداد","title_en":"Preparation"}]

اللغة

Tamazight, Central Atlas

المصدر والدورية

اسم المصدر

Aɛiwed n tsuqilt akked tesleḍt tasnalsant n yiḍrisen n uyfus aɣurbiz n ulmud alemmas

المحتوى والصفحات

عدد الصفحات

0

كلمات الباحثين

traditions orales et écrites, traduction, variations linguistiques, identité culturelle

إشراف وإعداد

الإشراف

Kaci Sadi

الإعداد

Hamida Ouacher , Siham Maghni

الاقتباسات الببليوغرافية